Latest News and Updates

जिवनभरको खुशि तिमीलाई  म्युजिक भिडियो सार्बजनिक

पोखरा, १० असार । सोम लिम्बु र मेलिना राईको स्वर समावेश भएको गीत ‘जीवन भरको सारा खुशि’को म्यूजिक भिडियो सार्वजनिक भएको छ । सार्वजनिक भिडियोमा बिनोद एडी र साबिया फिचरिङ भएका छन् । शुक्रबार पोखरामा एक विशेष समारोहबीच यो भिडियो सार्वजनिक भएको हो । लगत्तै भिडियोलाई निर्माणपक्षले युट्युबमार्फत पनि सार्वजनिक गरेको छ । 

रोमान्स बेसमा बनाईएको भिडियोलाई बिनोद एडीले नै निर्देशन गरेका हुन् । स्वपन सरकारले निर्माण गरेको भिडियोलाई अनिल शाहिले खिचेका हुन् । शाहि यो भिडियोका सम्पादक समेत हुन् ।

 

https://youtu.be/dM9x8h91ToE  

 


time Published on:  2016-06-24    | Read More




सबैलाई आफ्नो धर्म संस्कृति मान्ने अधिकार छ : गृहमन्त्री
काठमाडौँ–गृहमन्त्री शक्तिबहादुर बस्नेतले नेपालको संविधानअनुसार सबै नेपालीलाई आफ्नो धर्म र संस्कृति मान्ने अधिकार भएको बताएका छन् । गृह मन्त्रालयमा आज राष्ट्रिय ख्रीष्टियन महासङ्घ नेपालको ज्ञापनपत्र बुझ्दै मन्त्री बस्नेतले संविधानले कुनै पनि जातजाति, भाषाभाषी, धर्म संस्कृतिलाई विभेद नगरेको अवगत गराए ।

महासङ्घले गत जेठ २८ गते दोलखाका विद्यालयमा भूकम्पसम्बन्धी सचेतना कार्यक्रम गर्ने क्रममा ख्रीष्टियन समुदायका आठ जना व्यक्तिलाई प्रहरीले धर्म प्रचारको आरोपमा पक्राउ गरेको जानकारी गराउँदै उनीहरुको रिहाइको माग गरेको थियो ।

shakti basnet

सबैलाई स्वतन्त्रतापूर्वक आ–आफ्नो धर्म र संस्कृति मान्न पाउने र वकालत गर्ने अधिकार भए पनि त्यसका लागि समय, स्थान र सन्दर्भका बारेमा ध्यान पु¥याउन आग्रह गर्दै मन्त्री बस्नेतले भने, “विद्यालयमा धार्मिक कार्यक्रम गर्नु उपयुक्त होइन ।” उनले धार्मिक विषयका घटनालाई कसैले पनि अनावश्यक रुपमा विवादमा नल्याइदिन पनि आग्रह गरे ।

कार्यक्रममा महासङ्घका महासचिव सिबी गहतराजले ख्रीष्टियन समुदायले सबै धार्मिक समुदायलाई सम्मान गर्दै धार्मिक सद्भाव र एकता चाहेको बताउँदै भने, “हामी कसैको पनि धर्म जबर्जस्ती परिवर्तन गर्न चाहँदैनौँ । नागरिकले आफ्नो धर्म मान्न पाउने, छान्न पाउने र अभ्यास गर्न पाउने अधिकारलाई कसैले पनि बन्देज गर्न हुँदैन ।”

दोलखा प्रहरीले धर्म प्रचार गरेको आरोपमा जेठ २८ गते बनिता डङ्गोल, बालकृष्ण राई, फिलिप तामाङ, किरण दाहाल र भीमबहादुर तामाङलगायत चरिकोटस्थित माउन्टभ्याली बोर्डिङका प्रिन्सिपल प्रकाश प्रधान र मोर्डन नेपालका प्रिन्सिपल विमल शाहीलाई पक्राउ गरेको थियो


time Published on:  2016-06-16    | Read More




आईएसले पिंजडामा हालेर १९ महिलालाई जिउँदै जलायो

एजेन्सी: आईएसआईएसको कब्जामा रहेको इराकको मोसुलमा आतंककारीहरुले १९ यजिदी कुर्दिस महिलालाई पिंजडामा हालेर जिउँदै जलाएका छन् । 
 
महिलाले यौनदासी बन्न अस्वीकार गरेपछि जिउँदै जलाइएको हो । कुर्दिस न्यूज एजेन्सी एआरएका अनुसार यस घटनाका क्रममा सयौं मानिसहरु निरिह बनेर रमिता हेर्न बाध्य थिए । 
 
कुर्दिस समाचार एजेन्सी अब्दुल्ला अल-मालालाई उधृत गर्दै बताइए अनुसार इस्लामिक स्टेट लडाकूसँग यौनसम्बन्ध राख्न इन्कार गरेपछि उनीहरुलाई जिउँदै जलाइएको हो । 
 
समाचार अनुसार अघिल्लो महिनामा पनि आईएसआईएसले २५ जना इराकी बन्धकलाई एसिडमा डुबाएर हत्या गरेको थियो ।
 
इराक, सिरिया र लिबियामा आईएसआईएसद्वारा धर्मको नाममा मानिसको ज्यान लिने कयौं मामिला सार्वजनिक भइरहेका छन् । 
 
यसरी मानिसको ज्यान लिँदा अत्यन्तै क्रुर तरिका अपनाइने गरिएको छ । 
 
अगस्त २०१४ मा आईएसआईएसले उत्तरी इराकको यजिदी इलाकामा आक्रमण गरेका थिए । 
 
यसपछि ४ लाख भन्दा धेरै मानिसहरुले दोहुक, इरबिल र कुर्दिस्तान छाडेर भाग्नुपरेको थियो । 
 
स्थानीय सैन्य स्रोतका अनुसार यस हमलामा सयौं मानिसको ज्यान गएको थियो । यहाँबाट सयौं मानिसलाई अपहरण पनि गरिएको थियो । 
 
यस क्रममा ठूलो संख्यामा युवती र महिलामाथि बलात्कार गरिएको थियो । ज्यान जाने डरले हजारौं यजिदीहरुले सिंजारको पहाडमा गएर बस्नुपरेको थियो । 
 
आतंककारीहरुले ३ हजार भन्दा धेरै यजिती युवतीहरुलाई यौनदासी बनाउनका लागि अपरहण गरेका थिए ।

time Published on:  2016-06-07    | Read More




रामपुरमा त्रिविले भर्ना लिने

चितवन, १२ जेठ । कृषि तथा वन विज्ञान विश्वविद्यालयको दबाबका कारण चार वर्षअघि देखि रामपुरमा भर्ना रोकेको त्रिभुवन विश्वविद्यालयले यस वर्ष पुनः कृषि विषयको भर्ना लिने भएको छ ।

कृषिको महत्व बढिरहेका बेला विद्यार्थीको चाप र स्थानीयवासीको आग्रहमा पुनः भर्ना लिने तयारीमा पुगेको त्रिभुवन विश्वविद्यालयका उपकुलपति प्राध्यापक डा तीर्थ खनियाले बताउनुभयो । त्रिभुवन विश्वविद्यालयको रामपुर क्याम्पसमा कृषि, भेटेरिनरी र पशु चिकित्साको स्नातकदेखि विद्यावारिधिसम्मको पढाइ हुँदै आएको थियो ।
कृषि तथा वन विज्ञान विश्वविद्यालय स्थापनासँगै स्थानीयवासी, राजनीतिक दल, प्राध्यापक, विद्यार्थी लगायतले भर्ना नलिन दबाब दिएपछि त्रिभुवन विश्वविद्यालयले रामपुरमा भर्ना रोकेको थियो तर वन विज्ञानको भने हेटाँैडामा पढाइ जारी राखेको थियो । उपकुलपति खनियाले चितवनमा त्रिभुवन विश्वविद्यालय अन्तर्गत कृषि विषय पढाउनुपर्नेमा दलसमेत सकारात्मक रहेको बताउनुभयो ।

हालका लागि भने रामपुरमा नै पढाउने तयारी विश्वविद्यालयले गरेको छ । वैकल्पिक राम्रो स्थान जिल्लामा अन्यत्र पाएमा सो स्थानमा स्थानान्तरण गर्ने तयारीमा विश्वविद्यालय रहेको छ ।

रामपुर क्याम्पसका प्रमुख श्यामसुन्दर पन्तले भदौ महिनामा भर्ना लिइने बताउनुभयो । त्रिभुवन विश्वविद्यालयले कृषिमा १२० र भेटेरिनरी÷पशु चिकित्सामा ४२ जना विद्यार्थी भर्ना लिँदै आएको थियो । पछिल्लो समय कृषि तथा वन विज्ञान विश्वविद्यालयभित्र आन्तरिक कलह बढेसँगै त्यसको फाइदा उठाएर त्रिभुवन विश्वविद्यालय पुनः रामपुर छिर्न लागेको अनुमान गरिएको छ ।

 

time Published on:  2016-05-26    | Read More




नवलपरासीमा भएको सवारी दुर्घटनामा  मृत्यु हुनेको संख्या ५ पुग्यो, फेरी अर्को दुर्घटना १२ घाईते

जेठ १२,  नवलपरासीमा आज भएका दुई छुट्टाछुट्टै सवारी दुर्घटनामा ५ जनाको मृत्यु भएको छ भने २५ जना घाईते भएका छन् । बिहान ५ बजे पुर्व पश्चिम राजमार्ग अन्तर्गत गैडाकोटको हर्कपुरमा भएको मिनीट्रक दुर्घटनामा ५ जनाको मृत्यु भएकोे हो । सल्यानबाट काठमाण्डौका लागि छुटेको बा २ क ११३७ नम्बरको मिनि ट्रक आफै अनियन्त्रित भई सडक छेउमा रहेको रुखमा ठोकिदा घटनास्थलै २ र बाँकी तिन जनाको उपचारका क्रममा पुरानो मेडिकल कलेज चितवनमा ज्यान गएको ईलाका प्रहरी कार्यालय गैडाकोटका प्रहरी प्रमुख प्रहरी निरीक्षक सुवास हमालले जानकारी दिनुभयो ।

मृत्यु हुनेहरुमा  शारदा नगरपालीका १० सल्यानकी सितली कुँवर, सोही स्थानकी ३५ बर्षीय दिल्ली कुँवर र शारदानगर पालिका ३ की २ बर्षीय बालिका मम्मी गिरी  रहेका छन् ।मृतक दुई पुरुषको सनाखत हुन सकेको छैन् । घटनामा अरु १३ जना घाईते छन् । उनीहरुको पुरानो मेडिकल कलेज चितवनमा उपचार भैरहेको छ । इट्टा भट्टामा काम गर्ने  २१ जना मजदुर बोकेको  मिनीट्रक दुर्घटनामा परको हो ।
यस्तै आज दिउँसो नवलपरासीको बर्दघाट अर्को सवारी दुर्घटना हुँदा १२ जना घाईते भएका छन् । बर्दघाटको भुताहामा लु १ ख ३१६८ नम्बरको बसले लु १ ख ७३७४ नम्बरको अर्को बसलाई पछाडीबाट ठक्कर दिएको ईलाका प्रहरी कार्यालय बर्दघाटले जनाएको छ । घाईतेमध्ये बर्दघाट २ का ३२ बर्षिय शान्ति ढकाल र ३५ बर्षिय कमल पाण्डेयको अवस्था गंभिर रहेको प्रहरीले जनाएको छ ।


time Published on:  2016-05-25    | Read More




पश्चिमाञ्चल प्राबिधीक शिक्षालयको २१ औंवर्षिकउत्सव तथा रक्तदान सम्पन्न

 

पोखराको नदिपुर अवस्थीत पश्चिमाञ्चल प्राबिधीक शिक्षालयको २१ औं वषिकउत्सव को अवसरमा आयोजना गरीएको खुला रक्तदान कार्यक्रममा २० युनिट रगत संकलन भएको छ । शिक्षालयको प्राङगणमा आयोजना भएको कार्यक्रममा सि.एम.ए तथा ल्याव एसिस्टेन्ट का प्रशिक्षार्थी लगायत शिक्षक कर्मचारी गरी २० जनाले रत्तदान गरेका छन् । नेपाल रेडक्रस सोसाइटी कास्की, एवं क्षेत्रिय रक्त संचार केन्द्र पोखरा का मेडिकल टेक्नोलोजिष्ट अर्जुन ज्ञवालीको प्रमुख आथित्यमा भएको कार्यक्रममा सञ्चालन विद्यार्थी सुर्य कुमारी घर्तीले गर्नुभएको थियो । कार्यक्रममा ज्ञवालीले यो शिक्षालयले विगत २१ बर्ष देखी पोखरामा प्राविधिक शिक्षा सिकाउदै आएको बताउदै शिक्षाको अलावा समय समयमा धेरै सामाजीक कार्यमा समेत यो शिक्षालय अग्रणी स्थानमा रहेको बताउनु भयो । सोही समारोहममा शैक्षिक सत्र २०७१ । ०७२ का विद्यार्थीहरुले हाल अध्ययानरत विद्यार्थीहरु लाई स्वागत गरेका थिए भने हाल अध्ययानरत विद्यार्थी हरुले गत शैक्षिक सत्रमा अध्ययान गरेका विद्यार्थी हरुलाई खादा साथै अबिर द्दारा बिदाई गरेका थिए । दुबै शैक्षिक सत्रमा अध्ययान गरेका विद्यार्थी हरुका बिच आपसी सम्बन्ध साथै आफुले सिकेका सिपहरु आदानप्रदान गर्ने उद्देश्यले आयोजना गरिएको उतm कार्यक्रममा शिक्षालयका निर्देशक साथै कार्यक्रमका सभापती ईश्वर बन्धु गौतमले यो बिदाईको क्षण रमाइलो नभएतापनि यो आउने जाने प्रक्रीया प्राकृतिक प्रकृया हो साथै यहाँ अध्ययान गरेका विद्यार्थीहरु नेपालको विभिन्न स्थानहरुमा अहिले कार्यरत रहेको बताउदै यस्ता कार्यक्रमले धेरैका विचमा आपसी सम्वन्ध बढ्छ, भन्नु हुदै तपाईहरुले सिक्नु भएको सिपलाई राम्रो सँग धेरैको सेवाको लागी प्रयोग गर्नुस भन्दै सहभागीहरुलाई उत्साह दिनुभएको थियो । उक्त कार्यक्रममा शैक्षिक सत्र २०७१। २०७२ का विद्यार्थीहरुले आफ्नो सिकाइ साथै अनुभव एकअर्का विच साटेका थिए । उक्त कार्यक्रममा सि. एम. ए तथा ल्याव टेक्नेसीयन अध्ययन गर्ने करिव १६० जना विद्यार्थीहरु साथै शिक्षालयका शिक्षक शिक्षिकाहरुको उपस्थिती रहेको थियो । सहभागी विद्यार्थीहरुले उक्त कार्यक्रलाई रमाइलो वनाउन आफु मा रहेका प्रतिभाहरु प्रदर्शन गरेका थिए । उक्त कार्यक्रममा जालमति गैह्े, विनोद पौडेल, कल्पना ल्वाङ्वा, देवी त्रिपाठी लगायतले आफ्नो मन्तव्य तथा सि. एम. ए तथा ल्याव टेक्नेसीयन वारे प्रकाश परेका थिए ।

–प्रकाश पौडेल

 


time Published on:  2016-02-22    | Read More




Featured | Useful Links

Educational, informative and entertainment activities are regularly on AIR in Radio Apostle

Live Streaming

Winamp, iTunes Windows Media Player Real Player QuickTime
1st one for PC users & 2nd Red for smaller Devices

Contact Us

     Radio Apsotle 102.6 MHz                                Bagar, Pokhara-1, Kaski, Nepal .

Address: Block 17, Nayagalli, Pokhara
Telephone: +977-061-521978
                         +977-061-550506
E-mail: radioapostle@gmail.com
Url: www.radioapostle.com.np