Latest News and Updates

अमेरिकी हवाइ आक्रमणमा ५० जना तालिवान लडाकू मारिए :

अफगानिस्तान, साउन २१ । अफगानिस्तानको पूर्वी क्षेत्र खोस्टमा लुकिछिपी बसेका तालीवानी लडाकूलाई लक्षित गरी गरिएको कारबाहीमा कम्तीमा ५० तालीवानी लडाकूको मृत्यु भएको स्थानीय सुरक्षा अधिकारीले शनिबार (आज) बताएका छन् ।

आक्रमणमा अन्य तीनजना घाइते भएका बताइएको छ ।

स्थानीय प्रहरी प्रमुख गुलाव मंगलले बताए, ‘मुसाखिल जिल्लाको पिरी क्षेत्रमा शुक्रबार राति अमेरिकी नेतृत्वको गठबन्धनले चलाएको हवाई आक्रमणमा ५० जना तालीवानी लडाकूको मृत्यु भएको र तीनजना विद्रोही घाइते भएका छन् ।’ उक्त क्षेत्र राजधानी काबुलबाट १५० किलोमिटर दक्षिण पूर्वमा पर्छ ।

आक्रमणमा तालीवान विद्रोहीले लुकाई राखेका केही हतियार र बन्दोबस्तीका सामान र उनीहरूले लामो समयदेखि प्रयोग गर्दै आएको आश्रयस्थल पनि नष्ट गरिएको छ ।

घटनाबारे शनिबार (आज) एक विज्ञप्ति प्रकाशित गरी अफगानी रक्षामन्त्रीले पनि पुष्टि गरेका छन् । 
विद्रोही समूहले भने यसबारे कुनै प्रतिक्रिया जनाएको छैन 


time Published on:  2017-08-05    | Read More




 

 

 

 

 

 

१२ कक्षाको बिज्ञान संकायको परीक्षाफल सार्वजनिक :

२० साउन, काठमाडौं । राष्ट्रिय परीक्षा बोर्डले गत वैशाखमा लिइएको कक्षा १२ को बिज्ञान संकायको परीक्षाफल शुक्रबार प्रकाशन गरेको छ ।

 

परीक्षा बोर्डका अनुसार अन्य संकायको नतिजा पनि भदौ १५ गतेभित्रै सार्वजनिक गर्ने तयारी भइरहेको छ ।

शुक्रबार बिहान बसेको बोर्डको बैठकले नतिजा प्रकाशन गर्ने निर्णय गरेको हो । परीक्षामा सहभागीमध्ये ७९.४४ प्रतिशत बिद्यार्थी उत्तिर्ण भएका छन् ।गत बैशाखमा सञ्चालन भएको परीक्षामा सहभागी ४४ हजार ८९७ बिद्यार्थीमध्ये ३५ हजार ६६८ परीक्षार्थी उत्तिर्ण भएका छन् । त्यस्तै १७ जनाको परीक्षा रद्ध गरिएको छ ।

त्यस्तै आंशिकतर्फ सहभागी ९ हजार ४८९मध्ये ४ हजार १३७ बिद्यार्थी पास भएका छन् । ३ जनाको परीक्षा रद्ध गरिएको राष्ट्रिय परीक्षा बोर्डले जनाएको छ । आंशिकतर्फ ४३.५९ बिद्यार्थी उत्तिर्ण भएका छन् ।

 


time Published on:  2017-08-04    | Read More




विद्यार्थीलाई निर्घात कुट्ने शिक्षक पक्राउ, पीडित विद्यार्थीको उपचार हुँदै :

रुपन्देही, साउन २० । रुपन्देहीको रोहिणी गाउँपालिकाको धकधई क्षेत्रमा पर्ने सेमरास्थित पजरकट्टी माध्यमिक विद्यालयका एक शिक्षकले विद्यार्थीलाई निर्घात कुटपिट गरेका छन् ।

शिक्षक रामवृक्ष यादवले कक्षा ५ मा अध्ययनरत १० वर्षीय समसुद्धिन धोवीलाई कुटपिट गरेका हुन् । विद्यार्थीमाथि भएको कुटपिटको विरोधमा अभिभावकहरुले विद्यालयमा घेराउ र नाराबाजी गर्दै तालाबन्दी गरेका छन् ।

अभिभावकहरुले यसअघि पनि शिक्षक यादवले विद्यार्थीलाई पटकपटक कुट्ने गरेको आरोप लगाएका छन् । उनीहरुले विद्यार्थी कुट्ने शिक्षकलाई कारबाहीको माग गरेका छन् ।

विद्यालयका प्रधानाध्यापक पूर्णवासीप्रसाद गुप्ताले पानी खान बाहिर गएका विद्यार्थी ढिला गरी कक्षा कोठामा प्रवेश गरेपछि शिक्षक यादवले ढाडमा कुटेको बताए । पीडित विद्यार्थीको भैरहवास्थित सिद्धार्थनगर सिटी हस्पिटलमा उपचार भइरहेको छ भने शिक्षकलाई पक्राउ गरी अनुसन्धान गरिरहेको जिल्ला प्रहरी कार्यालयले जनाएको छ ।


time Published on:  2017-08-04    | Read More




स्वीकृत विना संचालन गरिएका कन्सल्टेन्सीहरु बन्द गरिने पाण्डेको चेतावनी :

पोखरा, १८ साउन । शिक्षा मन्त्रालयका उपसचिव गौरीशंकर पाण्डेले शिक्षा मन्त्रालयबाट स्वीकृत विना संचालन भएका कन्सल्टेन्सीहरु बन्द गरिने चेतावनी दिएका छन् । उच्च शिक्षाका लागि विदेशमा अध्ययनका लागि जान चाहने नेपाली विद्यार्थीहरुको भविष्यलाई लक्षित गरी व्यवसायिक शैक्षिक परामर्श निकाय केन्द्रित १० दिने इजुकेशनल काउन्सिलर ट्रेनिङको उद्घाटन कार्यक्रममा उनले यस्तो चेतावनी दिएका हुन् ।

उनले कानुनसम्वत् सञ्चालन गरिएका व्यवसायिक शैक्षिक परामर्श निकायलाई कुनै समस्या नहुने तर कानुनविपरित सञ्चालन भएको पाइएमा कारवाहिको लागि कुनै कसर बाँकी नराख्ने बताए । साथै उनले हरेक कन्सल्टेन्सीले विद्यार्थी र अभिभावकलाई एउटै र सहि सुचना दिनको लागि सबैलाई आग्रह गरे । व्यवसायको नाममा कन्सल्टेन्सीले काउन्सिलको क्रममा गलत सुचना दिएर विदेशमा अध्ययन गर्न जाने विद्यार्थीहरुको भविष्यमाथि कसैले पनि खेलवाड गर्न नपाईने उनको भनाई थियो ।

उनले कास्की जिल्लामा भएका कुनै कन्सल्टेन्सी कानुन विपरित सञ्चालन गरिएका छन् भने सिडियोमार्फत पनि बन्द गराउन सकिने शिक्षा मन्त्रालय शैक्षिक परामर्श प्रमाणीकरण शाखा प्रमुख पाण्डेले जानकारी दिए । भाषा संघ नेपालका अध्यक्ष युवराज खनालले पोखरामा भएका व्यवसायिक शैक्षिक परामर्श निकाय तथा कन्सल्टेन्सीलाई अनुशासित र मर्यादित बनाउनुपर्नेमा जोड दिए । साथै उनले विदेशका कलेज र विद्यार्थीहरुबीच पुलको काम गर्ने हरेक कन्सल्टेन्सीहरुले विद्यार्थीहरुलाई सहि सुचना सम्प्रेषण गरिदिन आग्रह गरे ।

सिटिभिटीको भाइस प्रिन्सिपल जीवन भण्डारीले तालिम लिने मात्र होईन व्यवहारमा उतार्नुपर्नेमा जोड दिए । तालिम संयोजक मिना खरेलले तालिम अत्यस्तै फलदायी हुने विश्वास व्यक्त गरिन् । तालिममा नेपाल सरकारसँग स्वीकृत प्राप्त कास्कीका ३५ कन्सल्टेन्सीका ५१ जना सहभागि छन् । तालिम इन्सिच्यूड फर टेक्निकल इन्ट्रक्सन (टिआईटिआई) को आयोजनामा साउन १६ गते देखि शुरु तालिम २५ गतेसम्म जारी रहनेछ भने तालिममा प्रेम पाण्डे र शिभा फुयालले सहजीकरण गर्नेछन् ।

 


time Published on:  2017-08-02    | Read More




एनसेलले ल्यायो ‘डबल सापटी’ अफर :

साउन १८ । एनसेलका प्रिपेड ग्राहकले अब अझै बढी रकम सापटी लिनसक्ने भएका छन् ।

एनसेल प्रालिले सापटी सेवा सफलतापूर्वक सन्चालन गरेको पाँचौ वर्ष पूरा भएको अवसरमा डबल सापटी योजना ल्याएको जनाएको छ ।

यसअन्तर्गत् अब ग्राहकले उही सेवा शुल्कमा ४० रुपैयाँ सापटी लिएर अफ्ठ्यारो परिस्थितिमा दूरसन्चार सेवाहरु प्रयोग गर्न सक्नेछन् ।

सापटीको यो नयाँ योजना बुधबार (आज)देखि लागू भएको कम्पनीले जनाएको छ ।

सापटी सेवाअन्तर्गत्को रकममा वृद्धि गरी दोब्बर बनाइएपनि ग्राहकले पुरानै सेवा–शुल्कमा यो सेवाबाट लाभ लिनसक्ने कम्पनीले जनाएको छ ।


time Published on:  2017-08-02    | Read More




शिलन्यास भएको १६ महिनापछि पोखरामा अन्तर्राष्ट्रिय विमानस्थल निर्माण सुरु :

पोखरा, साउन १८ । शिलन्यास भएको १६ महिनापछि पोखरा क्षेत्रीय अन्तर्राष्ट्रिय विमानस्थलको निर्माणकार्य सुरु भएको छ ।

निर्माणकार्यको बुधबार संस्कृति पर्यटन तथा नागरिक उड्डयनमन्त्री जीतेन्द्रनारायण देवले शुभारम्भ गरे ।

चिनियाँ निर्माण कम्पनी चाइना सीएएमसी इन्जिनियरिङ कोअपरेसन लिमिटेडको एसिया प्यासिफिक डिभिजनका महाप्रबन्धक जेरी याङले विमानस्थल निर्माणमा ६० कामदार र अरु प्राविधिक गरी हाल ११० जना संलग्न रहेको जानकारी दिए । शाखा कार्यालय, अस्थायी शिविरको निर्माण भइरहेको उनले बताए ।

विमानस्थल पर्यटन विकासको महत्वपूर्ण आधार बन्ने विश्वास मन्त्री देवले व्यक्त गरे ।

कानुन, न्याय तथा संसदीय मामिलामन्त्री यज्ञबहादुर थापाले ४० वर्षदेखिको पोखरेलीको सपना पूरा हुन लागेको बताए ।

विमानस्थल निर्माण उच्चस्तरीय सहयोग समितिका संयोजक एवं व्यवस्थापिका–संसद, विकास समितिका सभापति रवीन्द्र अधिकारीले विमानस्थल निर्माणको पूर्वतयारीमा लामो समय खर्चिसकेको बताउँदै अब भने आगामी २०२१ जुलाई १० भित्र निर्माणकार्य सकिने बताए ।

यस्तै, नागरिक उड्डयन प्राधिकरणका महानिर्देशक सन्जीव गौतमले निर्माणकार्यलाई समयमा नै सम्पन्न गराउन स्थानीय सरोकारवाला सबैको सकारात्मक सहयोग आवश्यक रहेको बताए ।

सरकारले सुरुमा ३१ सय ६ रोपनी जग्गा अधिग्रहण गरी मुआब्जा वितरण गरिसकेको छ भने पछिल्लो समय थप ५२१ रोपनी जग्गा पनि अधिग्रहण गरी मुआब्जा वितरण गरेको छ ।

विमानस्थल निर्माणको कुल लागत करिब २२ अर्ब रुपैयाँ रहेको छ ।

 

 

 

 

 

 

 


time Published on:  2017-08-02    | Read More




Featured | Useful Links

Educational, informative and entertainment activities are regularly on AIR in Radio Apostle

Live Streaming

Winamp, iTunes Windows Media Player Real Player QuickTime
1st one for PC users & 2nd Red for smaller Devices

Contact Us

     Radio Apsotle 102.6 MHz                                Bagar, Pokhara-1, Kaski, Nepal .

Address: Block 17, Nayagalli, Pokhara
Telephone: +977-061-521978
                         +977-061-550506
E-mail: radioapostle@gmail.com
Url: www.radioapostle.com.np