Latest News and Updates

पोखराको लेखनाथमा जुवा खेल्ने ५ महिला सहित १० जना पक्राउ :

पोखरा,  भाद्र ।। कास्की प्रहरीले पोखरा लेखनाथ महानगरपालिका २७ स्थित कालिगण्डकी चोकको एक घरबाट जुवा खेल्दै गरेका १० जना पक्राउ परेका छन् ।

मिना कुमारी पुनको घरमा जुवातास खेलिरहेको छ भन्ने गोप्य सुचनाको आधारमा ईलाका प्रहरी कार्यालय शिशुवा कास्कीबाट खटिएको प्रहरी टोलिले १० जनालाई पक्राउ गरेको हो ।

उनीहरुको साथबाट ४ बुक तास, नगद ८६ हजार ७ सय ५० रुपैया सहित पक्राउ गरी थप अनुसन्धान भईरहेको प्रहरीले जानकारी दिएको छ ।

पक्राउ पर्नेहरुमा :

जिल्ला कास्की अन्नपुर्ण गाउँपालिका वडा नं ८ म्यादे बस्ने बर्ष ४१ को केशर पुन

जिल्ला कास्की मादी गाउँपालिका वडा नं ३ बस्ने बर्ष ३२ को गिमान पुन

जिल्ला कास्की अन्नपुर्ण गाउँपालिका वडा नं ७ बस्ने बर्ष ४४ को रेम बहादुर पुन

जिल्ला कास्की अन्नपुर्ण गाउँपालिका वडा नं ७ बस्ने बर्ष ४४ को हिमाल पुन

जिल्ला म्याग्दी रथु गाउँपालिका वडा नं ६ बस्ने बर्ष ३६ को कुमार पुन

जिल्ला कास्की पोखरा लेखनाथ महानगरपालिका वडा नं २७ बस्ने बर्ष ३४ को करुणा थापा

जिल्ला कास्की पोखरा लेखनाथ महानगरपालिका वडा नं २७ बस्ने बर्ष ३० की निरा पुन

जिल्ला कास्की पोखरा लेखनाथ महानगरपालिका वडा नं २७ बस्ने बर्ष २७ की बिष्णु पाईजा पुन

जिल्ला कास्की पोखरा लेखनाथ महानगरपालिका वडा नं २७ बस्ने बर्ष ३९ की कुमारी पुन

जिल्ला कास्की पोखरा लेखनाथ महानगरपालिका २७ स्थित कालिगण्डकी चोक बस्ने बर्ष ३० की मिना कुमारी पुन (घरधनि ) 


time Published on:  2017-08-21    | Read More




यस्तो छ इम्बोस्ड नम्बरको महत्व, कुन सवारीलाई कस्तो नम्बर ? :

भदौ ५ । सवारीसाधनको व्यवस्थापनलाई सहज बनाउने उद्देश्यले हाई सेक्युरिटी इम्बोस्ड नं प्लेट शुरु गरिएको छ । मुलुकमा पहिलोपटक प्रयोग गर्न लागिएको यस प्रविधिबाट सवारीसाधन र सवारी धनीको विवरणका साथै राजश्व असुलीको अवस्थाका बारेमा तत्काल जानकारी लिई सवारीसँग सम्बन्धित अपराध नियन्त्रण गर्न सकिने सरकारी भनाई छ ।

यातायात व्यवस्था विभागले अमेरिका र बंगलादेशको संयुक्त डेटाटोर टाइगर आइटी कम्पनीलाई ठेक्का दिइएको र आगामी पाँच वर्षभित्र २५ लाख सवारीसाधन यो प्रणालीमा व्यवस्थित गर्ने सहमति सन् २०१६ मा भइसकेको छ । सो कार्य सम्पन्न हुँदा यसको लागत रु ४ करोड ३७ लाख बराबर अमेरिकी डलर ठेकेदार कम्पनीलाई भुक्तानी गरिने छ ।

सवारीसाधनमा इम्बोस्ड नम्बर प्लेटमो ९९ प्रतिशत एल्मुनियम तथा विद्युतीय चिप्स राखिने हुँदा त्यसको प्रयोगपछि सवारीसाधन नं टाडाबाट समेत देख्न सकिन्छ । नं प्लेटमा अन्तर्रा्ष्ट्रिय मापदण्डका सूचकांकसमेत प्रयोग गरिने हुँदा यो भरपर्दो र पारदर्शी हुने दाबी गरिएको छ । प्लेटको कडापन एच४१ र एच ४२ हुने र प्लेटको मोटाई ०.९८ एमएम हुनेछ । प्रविधिको मद्दतले सवारीसंग जोडिएको अपराधमा समेत कमी आउने यातायात व्यवस्था विभागका प्रवक्ता टोकराज पाण्डे बताउँछन् ।

सरकारी सवारीमा सेतो प्लेटमा रातो अक्षर, सार्वजनिक सवारीमा पहेँलो प्लेटमा कालो अक्षर, निजी सवारीमा सेतो प्लेटमा कालो अक्षर तथा कूटनीतिक सवारीमा सेतो प्लेटमा निलो अक्षर रहने व्यवस्था गरिएको छ । भौतिक पूर्वाधार तथा यातायात मन्त्री वीरबहादुर बलायरले यस प्रणालीको शुभारम्भ गर्दै यातायात क्षेत्रमा यो प्रविधिको प्रयोगले नयाँ आयाम थपेकाले अब अन्तर्राष्ट्रिय मापदण्डमा यातायातको व्यवस्थापन तथा विकास गर्न सकिने विश्वास व्यक्त गरे ।

प्लेटको बायाँ छेउको माथि नेपालको झण्डा र त्यसको तल देश जनाउने गरी एनइपी र लेखिएको छ, त्यसको मुनि सुरक्षात्मक होलोग्राम राखिएको छ । प्लेटको माथि अञ्चल तथा तल लट नं जनाउने गरी अंग्रेजी अल्फाबेटमा लेखिएको छ, यो संघीयताको अभ्यास सुरु भएपछि सोहीअनुरुप विकास गर्न सकिने पनि जनाइएको छ ।


time Published on:  2017-08-21    | Read More




कैलालीमा बस दुर्घटना हुँदा दुईजनाको मृत्यु, २१ घाइते :

कैलाली, भदौ ५ । धनगढीबाट डोटी जाँदै गरेको यात्रुबाहक बस चुरे गाउँपालिका वडा नम्बर ५ खानीडाँडामा दुर्घटना हुँदा दुईजनाको मृत्यु भएको छ । दुर्घटनामा परी २१ जना घाइते भएका छन् । 

मृत्यु हुनेमा जोरायल गाउँपालीका वडा नम्बर ५ का ७० वर्षीय नरबहादुर देउवा र कैलालीको जोशीपुर गाउँपालीका वडा नम्बर ५ की ४८ वर्षीया दुर्गा देवी मल्ल रहेका छन् ।

‘कर्णाली रिभर’ यातायातको ना ४ ख ५६३५ नम्बरको बस सडकबाट १५० मिटर तल खस्दा दुईजनाको मृत्यु भएको र अन्य २१ जना यात्रु घाइते भएको जिल्ला प्रहरी कार्यालय कैलालीका प्रहरी नायव उपरीक्षक वीरबहादुर बुढाले जानकारी दिए ।

घाइते सबै यात्रुको अत्तरीयास्थित पदमा अस्पतालमा उपचार भइरहेको छ भने १ जनालाई थप उपचारका लागि भारतको हल्द्वानी पठाइएको छ ।


time Published on:  2017-08-21    | Read More




संविधान संशोधन विधेयक संसदबाट अस्वीकृत, पक्षमा ३४७ र विपक्षमा २०६ मत :

भदौ ५ । संविधान संशोधन विधेयक संसद वैठकबाट अस्वीकृत भएको छ । मधेश केन्द्रीत दलहरुको चित्त बुझाउने उद्धेश्यले ल्याइएको संशोधन विधेयकमाथि सोमबार (आज) संसद वैठकमा मतदान भएकोमा दुई तिहाइ मतप्राप्त हुन सकेन । 

संसद वैठकमा सोमबार ५५३ जना सांसदहरु उपस्थित रहेकोमा संशोधन विधेयकको पक्षमा ३४७ मत मात्रै पर्‍यो भने संशोधनको विपक्षमा २०६ मत प¥यो । संसदमा हाल ५९२ सदस्य रहेकोमा दुई तिहाइ पुग्न ३९५ मत आवश्यक पर्दछ । पुष्पकमल दाहाल नेतृत्वको सरकारले संसदमा पेश गरेको संशोधन विधेयक लामो समयको अलमलपछि सोमबार (आज) मतदानमा लगिएको हो । 

विधेयकको पक्षमा नेपाली कांग्रेस, नेकपा माओवादी केन्द्र, राष्ट्रिय जनता पार्टी, संघीय समाजवादी फोरम, लोकतान्त्रिक फोरम लगायतका पार्टीहरु रहेका थिए ।

त्यस्तै, नेकपा एमाले, राष्ट्रिय प्रजातन्त्र पार्टी, राष्ट्रिय जनमोर्चा, नेपाल मजदुर किसान पार्टी, नेपाः राष्ट्रिय पार्टीलगायतका दलहरु भने संशोधनको विपक्षमा रहेका थिए । संशोधनको विपक्षमा रहेको नेकपा मालेले भने मतदान प्रक्रिया बहिष्कार गरेको थियो ।

यसअघि आइतबार (हिजो) र सोमबार (आज) संशोधन विधेयकमाथि दफावार छलफल भएको थियो । प्रदेशको सिमांकन, अंगिकृत नागरिकता, भाषालगायतका विषयहरु समेटेर संशोधन पेश गरिएको थियो । संशोधन विधेयक असफल भएपछि विपक्षी नेकपा एमालेले भने सरकारको नैतिकतामाथि नै गम्भीर प्रश्न उठेको बताएको छ ।

सरकारले ल्याएको विधेयक असफल हुनुले सरकारको वैधानिकतामाथि नै प्रश्न उठेको प्रतिक्रिया एमाले नेताहरुले दिएका छन् ।


time Published on:  2017-08-21    | Read More




भाइरल ज्वरोबाट जाजरकोटमा दुई नाबालकको मृत्यु, सयौं विरामी :

जाजरकोट, भदौ ५ । वारेकोट गाउँपालिका–३ मा भाइरल ज्वरो र टाइफाइडबाट दुई नाबालकको मृत्यु भएको छ । स्थानीयवासी वीरबहादुर रोकायका ११ महिनाका छोरा धीरेन्द्र र जयबहादुर रोकायका नौमहिनाका छोरा मानबहादुरको सोमबार (आज) मृत्यु भएको स्थानीय शिक्षक रामबहादुर शाहीले जानकारी दिए ।

गाउँमा अहिले भाइरल ज्वरोबाट सयौं नागरिक विरामी भएका छन् । स्वास्थ्य संस्था लिम्साभन्दा टाढा रहेका कारण स्थानीयवासीले समयमै उपचार नपाएको शाहीले बताए । ‘बालबालिकादेखि वृद्धवृद्धा सबै बिरामी छन्, बिरामीलाई पाँचघण्टासम्म बोकेर अस्पतालसम्म लैजानुपर्ने अवस्था छ,’ उनले भने ।

यस्तै त्रिवेणी नलगाड–८ हल्चौरमा समेत भाइरल ज्वरोका कारण सयौं बासिन्दा विरामी परेका पञ्च भयार माध्यमिक विद्यालयका शिक्षिका नन्दा शाही केसीले जानकारी दिइन् ।

तीनघण्टा लगाएर रुकुमको आठविसकोट नगरपालिकाको राडीस्थित मेडिकलमा लगेर उपचार गर्नु परिरहेको उनले बताइन् ।

‘घरका सबै विरामी छन्, पशुचौपायलाई घाँस, पानी दिनसमेत समस्या भएको छ,’ उनले भनिन् । रासस


time Published on:  2017-08-21    | Read More




साढे ३३ किलो सुन तस्करीका मुख्य नाइके पन्त दुबइमा पक्राउ :

भदौ ५ । गत पुसमा त्रिभुवन विमानस्थलबाट पास भएपछि नियन्त्रणमा लिइएको साढे ३३ किलो सुन तस्करीका मूख्य नाइके राजन प्रसाद पन्तलाई प्रहरीले पक्राउ गरेको छ ।

पन्तलाई दुबइमा पक्राउ गरी काठमाडौं ल्याएको छ । युएई प्रहरीको सहयोगमा नेपाल प्रहरीले पन्तलाई आबुधाबीमा पक्राउ गरेर नेपाल ल्याएको हो ।

२०७३ साल पुस २१ गते त्रिभुवन अन्तर्राष्ट्रिय विमानस्थलबाट पास भईसकेको १५ करोड रुपैयाँ बराबरको उक्त सुन प्रहरीले गौशालाबाट नियन्त्रणमा लिएको थियो । 

क्त सुन काण्डमा यस अघि नै केही ब्यक्तिहरु पक्राउ परिसकेका छन् ।


time Published on:  2017-08-21    | Read More




Featured | Useful Links

Educational, informative and entertainment activities are regularly on AIR in Radio Apostle

Live Streaming

Winamp, iTunes Windows Media Player Real Player QuickTime
1st one for PC users & 2nd Red for smaller Devices

Contact Us

     Radio Apsotle 102.6 MHz                                Bagar, Pokhara-1, Kaski, Nepal .

Address: Block 17, Nayagalli, Pokhara
Telephone: +977-061-521978
                         +977-061-550506
E-mail: radioapostle@gmail.com
Url: www.radioapostle.com.np