Latest News and Updates

म्यादी प्रहरीमा आकर्षण, तीन दिनमा ४ हजार आवेदन :

२८ असोज, सिमरा । अगामि मंसिर १० र २१ गते हुने प्रतिनिधिसभा र प्रदेश सभा निर्वाचन सुरक्षाकालागि म्यादी प्रहरीको भर्ना खुलेको दिनदेखि नै बारामा आवेदन भर्नेहरुको भिड लागेको छ ।

तीन दिनमै ४ हजारभन्दा बढी आवेदन परेको जिल्ला प्रहरी कार्यलय बाराले जनाएको छ । असोज २३ गतेदेखि ३० गतेसम्म म्यादी प्रहरीमा भर्ना हुन आवदेन खुल्ला गरिएको छ । पहिलो दिनमै एक हजार तीन सयभन्दा बढी आवेदन परेको थियो । तेस्रो दिनसम्म ४ हजारभन्दा बढी आवेदन परेको तर २ हजार ३ सय दर्ता गरिएको र बाँकी दर्ताको क्रममा रहेको बाराका प्रहरी नायब उपरीक्षक भुवनेश्वर प्रसाद साहले बताए ।

उनले म्यादी प्रहरीमा आवेदन दिनेको उत्साहले प्रहरीप्रति लगाव बढेको पुष्टि हुने बताए । जतिसक्दो सहज तरीकाले बिहान ९ बजेबाट नै आवेदन दिन सक्ने ब्यवस्था मिलाएको बारा प्रहरीको दावी छ । तर, आवेदकहरुले भने व्यवस्थापन राम्रो नहुँदा दुई दिनसम्म लाइनमा बस्नुपर्ने बाध्यता रहेको गुनासो गरेका छन् । ब्यवस्थित तरीकाले आवेदन लिने काम नभएकाले समस्या परेको आवेदन दिन आएका राकेश साहले बताए ।

उनका अनुसार जिल्लाका ग्रामिण स्थानबाट आएकाहरु दुई दिन लगाएर भर्ना फाराम भर्न बाध्य छन् । आवेदन दिन हजारौंको संख्यामा उपस्थिति बढ्न थालेपछि जिल्ला प्रहरी कार्यालय बाराले कार्यालय नजिकै रहेको सिद्धेश्वर माध्यमिक विद्यालयमा आवेदन लिने ब्यवस्था मिलाएको छ ।


time Published on:  2017-10-13    | Read More




विन्ध्यवासिनी मन्दिरमा नवदुर्गा महोत्सव सुरु :

पोखरा, असोज ५ । पोखराको विन्ध्यवासिनी मन्दिरमा नवदुर्गा महोत्सव सुरु भएको छ ।

विन्ध्यवासिनी धार्मिक क्षेत्र विकास समितिको आयोजनामा सुरु भएको नवदुर्गा महोत्सवको बिहीबार कानून, न्याय तथा संसदीय व्यवस्थामन्त्री यज्ञ वहादुर थापाले शुभारम्भ गरे ।

महोत्सवको उद्घाट्नपछि विन्ध्यवासिनी मन्दिरबाट नवदुर्गाका नौ रुपको झाँकी, १०८ कलससहितको नवदुर्गा शोभायात्रा निकालिएको थियो ।

शोभायात्रामा विभिन्न भजन समूह, जातीय भेषभूषा, सांस्कृतिक झाँकीहरु, नेपाली सेना, नेपाल प्रहरी, सशस्त्र प्रहरी, नेपाल स्काउट, आमा समूह तथा विभिन्न धार्मिक, सामाजिक र शैक्षिक संघ संस्थाहरुको सहभागिता रहेको थियो ।

महोत्सवसँगै श्रीमद्भागवत देवी ज्ञान महायज्ञ समेत सुरु भएको छ ।


time Published on:  2017-09-21    | Read More




खाद्य संस्थानमा खसी किलोको ४५५ र च्याङ्ग्राको ६७५ :

काठमाडौं, असोज ५ । नेपाल खाद्य संस्थानले दसैंका लागि बिहीबारदेखि खसी र च्याङ्ग्राहरुको बिक्री सुरु गरेको छ ।

संस्थानले मुस्ताङबाट काठमाडौंमा ५०० च्याङ्ग्रा र दाङको तुलसीपुरबाट २०० खसी भित्र्याएको हो ।

संस्थानले मुस्ताङबाट एक हजार च्याङ्ग्रा एवं तुलसीपुर र हेटौंडाबाट १५ सय खसी ल्याउने जनाएको थियो ।

बाँकी १३ सय खसी र ५०० च्याङ्ग्रा पनि शुक्रबारसम्म आइपुग्ने संस्थानका प्रवक्ता शंकर सापकोटाले जानकारी दिए ।

संस्थानले खसी र च्याङ्ग्रा बजार मूल्यभन्दा किलोको १० रुपैयाँ बराबरमात्र सस्तोमा बिक्री गर्दैछ ।

छुटसहित संस्थानले यो वर्ष च्याङ्ग्रा किलोको ६७५ मा र खसी ४५५ रुपैयाँमा बिक्री गदैछ ।

संस्थानले बोका पनि १० रुपैयाँ छुटसहित किलोको ४५० रुपैयाँमा बिक्री गर्ने निर्णय गरेको छ ।


time Published on:  2017-09-21    | Read More




कश्यप तालमा वेपत्ता तिमिल्सिनाको शव भेटीयो :

पोखरा,३० भदौ  पोखरा लेखनाथ महानगरपालीका २४ कास्कीकोटको कश्यप ताल (ठुलीपोखी)मा पौडने क्रममा वेपत्ता शिक्षकको शव शुक्रबार फेला परेको छ । विश्व ज्योती वोडीङ स्कुलमा अध्यपनरत शिक्षक शिव प्रसाद तिमिल्सिना विहीवार पौडी खेल्ने क्रममा डुबेर बेपत्ता भएका थिए ।  

सशस्त्र प्रहरीको गोताखोर टोलीले १७ घण्टाको खोजी पछि शुक्रबार तालबाट शव निकालेको प्रहरीले जनाएको छ । ठाकुरप्रसाद तिमिल्सिना, शिव त्रिपाठी र शिवप्रसाद तिमिल्सिना विद्यालयवाट तालमा पौडी खेल्न गएका थिए । पौडिने क्रममा तिमिल्सिना बेपत्ता भएका थिए ।

पोखरीमा भएको जलकुम्भी झारले गर्दा शव निकाल्न कठिन भएको थियो । २१ वर्षका शिव तिमिल्सिना पोखरीमा डुवे पछि तत्काल स्थानीयले उद्रार गर्न खोजे पनि सफल हुन सकेनन् ।

घटना घटेको दुई घण्टा पछि सशस्त्र प्रहरीको गोताखोर टोलीले शुक्रबार साँझसम्म खोजी गर्दा पनि फेला पार्न नसकेपछि शुक्रबार विहानैवाट खोजी जारी रहेको थियो ।

विहान दश वजे शव पोखरीवाट निकालीएको हो । शव पोष्मार्टमका लागी पश्चिमाञ्चल क्षेत्रीय अस्पतालमा राखिएको छ ।


time Published on:  2017-09-15    | Read More




पाेखराबाट फैलदैछ अाँखाकाे ज्याेति निभाउने ‘सेताे पुतली’काे डरलाग्दाे राेग  :

पोखरा ,२९ भाद्र  भलामकी २ वर्षीया विपना थापा दौडिँदै थिइन्, पुतली आएर आँखामा ठोक्कियो । एकैछिनमा उनको आँखा चिलायो र दुख्न थाल्यो । उनका परेला सुन्निन थाले भने आँखा रातो हुँदै गयो ।

उनलाई हिमालयन आँखा अस्पतालमा लगियो । डाक्टरले उनको आँखाबाट सानो झुस निकालेर औषधी गरे । तर उनको आँखाको समस्या ठिक हुनुको साटो झन् बढ्दै गयो । आँखाको भित्री भाग रातो र नानी पूरै सेतो हुँदै गयो । पोखरामा उपचार सम्भव नभएपछि उनलाई काठमाडौं पठाइएको छ । अहिले उनको काठमाडौंमा २-३ जना डाक्टरको निगरानीमा उपचार हुँदैछ ।

बागलुङका ३ वर्षीय मनबहादुर सुनारले सेतो पुतली देखेर खेलाउन थाले । पुतली खेलाएको हातले आँखा मिचेपछि एक्कासी उनको आँखामा पनि उस्तै समस्या देखियो । मनबहादुरलाई हिमालयन आँखा अस्पताल पुर्‍याइयो । उनको समस्या पनि विपनाको जस्तै थियो । आँखामा परेको झुस निकालेर औषधी गर्दा उनको पनि आँखाको समस्या उल्टै बढ्दै गएपछि काठमाडौं रिफर गरियो ।

सेतो पुतलीकै कारण आँखाका समस्या देखिएपछि लमजुङका १ वर्षीय शिरिष विकलाई पनि हिमालयन आँखा अस्पताल ल्याइयो । डाक्टरले उपचार गरे तर समस्या झन् जटिल हुँदै गएपछि उनलाई पनि काठमाडौं रिफर गरियो ।

यी तीनै जनामा सेतो पुतलीका कारण आँखामा गम्भीर समस्या देखिएको हो । तीनै जनामा पुतलीको झुस आँखामा परेपछि हुने सापु (सिजनल इन्डोथाल्माइटिस)को पुष्टि भएको छ । डाक्टरलाई थाहा भयो, यो त सेतो पुतलीबाट आँखामा लाग्ने डर लाग्दो रोग सापु पो रहेछ ।

पोखरामा सेतो पुतलीबाट आँखामा यस्तो समस्या देखिएको ५ वर्षपछि हो । ‘हामीले यो रोगका विषयमा ख्यालै गरेनौं । यस्तो समस्या आउन छाडेको लामो समय भइसकेको थियो,’ हिमालयन आँखा अस्पताल पोखराका प्रमुख डा. इन्द्रमान महर्जनले भने, ‘अन्य समस्याजस्तै हामीले सामान्य रुपमा लिएर उपचार गर्‍यौं ।’ पोखरामा ५ वर्षयता सेतो पुतलीको झुसले हुने संक्रमणबाट आँखामा लाग्ने सापु रोग देखिएको थिएन । डा. महर्जनका अनुसार ५ वर्ष पहिले प्रत्येक २-२ वर्षमा यो समस्या देखिँदै आएको थियो । ‘आँखाको यस्तो समस्या लिएर आएपछि हामीले सुरुमा सामान्य उपचार गर्‍यौं ।

आँखाको भित्री भागमा एउटा सानो झुस परेको रहेछ । हामी त्यो निकाल्यौं र औषधि गर्‍यौं,’ हिमालयन आँखा अस्पताल पोखराका प्रमुख डा. इन्द्रमान महर्जनले भने, ‘उपचार गरिएको आँखाको समस्या घट्लाभन्दा झन् बढ्दै गएर आँखाको नानी नै सेतो भएपछि तत्काल काठमाडौं पठायौं ।’ अहिले भलामकी विपनाको आँखामा सुधार हुँदैछ भने अन्य २ जनाको उपचार भइरहेको छ ।

पोखरा र आसपासमा अहिले सेतो पुतलीको आतंकै छ । यो तापक्रम र केमिकलका कारण सेता पुतलीको वृद्धि हुने असोजपछाडि भने यो पुतली आफैं मर्दै जाने उनले बताए । यही समय धेरै बालबालिकामा यस्तो समस्या हुनसक्ने जोखिम रहेको भन्दै अभिभावक र बालबालिका सचेत हुनुपर्ने उनको भनाइ थियो ।

यो रोगको संक्रमणका कारण अति छिटो आँखाको ज्योति गुम्नेसक्छ । ‘यो रोग यति जटिल हुन्छ कि २४ घन्टाभित्रै उपचार गरिएन भने आँखाको ज्योतिसमेत गुम्न सक्ने खतरा हुन्छ,’ उनले भने । सेतो पुतलीबाट कसरी बालबालिकामा यो रोग लाग्छ भन्ने अहिलेसम्म पत्ता नलागेको बताउँदै डा. महर्जनले पुतलीको झुस जब आँखामा पर्छ त्यसको रसायनले असर पार्ने बताए ।

डा. महर्जनका अनुसार साना बाबुनानीमा सेता पुतलीबाट जटिल समस्या देखिने गरेको छ । ‘२०-२२ वर्ष पहिलेदेखि हेर्दा अहिलेसम्म पोखरामा ५ वर्ष मुनिका बालबालिकामा मात्रै यो समस्या देखिएको छ,’ उनले भने, ‘पाका व्यक्तिलाई पनि सेतो पुतलीले असर त गर्छ तर यो रोग बालबालिकामा बढी देखिएको छ ।’ पोखरामा ५ वर्षमुनिका बालबालिकामा यो रोग देखिए पनि काठमाडौं लगायतका ठाउँमा भने १० वर्षमुनिका धेरै बालबालिकामा यो रोग भेटिएको थियो ।

महर्जनका अनुसार आँखा अचानक रातो हुनु, उज्यालोमा हेर्न गाह्रो हुनु, आँखाको नानी सेतो देखिनु, अत्यन्तै छोटो समयमा ज्योति ज्यादै कम हुँदै जानु लगायत सापुको मुख्य लक्षण हो । सेता पुतलीबाट बच्नु नै यो रोगको मुख्य उपाय भएको उनी बताउँछन् । ‘सेतो पुतली साँझमा उज्यालो ठाउँमामात्रै आउँछ । यो सेतो बल्ब, सेतो पर्दा, झ्याल लगायतमा बढी झुम्मिन्छन्,’ महर्जनले भने ।

पोखरामै जन्मिएको रोग

यो रोग नेपालमा पोखराबाटै फैलिएको डा. इन्द्रमान महर्जन बताउँछन् । पोखराबाट झन्डै २० वर्ष अगाडि यो रोग फैलिएको उनले बताए । सुरुमा थोरैमा देखिएको यो रोग सन् २००४ सालपछि भने देशका विभिन्न सहरमा फैलिएको थियो । पोखरामै सुरुसुरुमा वर्सेनि २० औं जनामा यो रोग देखिन्थ्यो ।

‘यो रोगका विषयमा थुप्रै अध्ययन भएका छन् । म आफैं पनि अध्ययन टोलीमा सहभागी भएको छु,’ डा. महर्जनले भने, ‘तर अहिलेसम्म पनि विश्वमै यो रोगको कारण पत्ता लाग्न सकेको छैन ।’ विभिन्न टोलीले विभिन्न जीव तथा प्रवधिबाट यो रोगको कारणबारे अनुसन्धान भए पनि जड पत्ता नलागेको उनी बताउँछन् ।

यो रोग निरन्तर रुपमा नभइ केही वर्षको अन्तरमा देखिने गरेको छ । पहिले वर्ष-वर्षमा र पछि २-२ वर्षमा देखिएको यो रोग अहिले ५ वर्षको अन्तरालमा देखिएको हो ।

सन् १९७५ तिरै यो रोग देखिए पनि १५-२० वर्ष यो रोग देखिएन । पहिले यसलाई ट्युमर भनिथ्यो । पछि अध्ययन टोलीले यो रोगलाई सापु नाम दिइएको हो ।


time Published on:  2017-09-14    | Read More




पोखराको कास्कीकोटमा पौडी खेल्दा डुबेर एक जना बेपत्ता :

पोखरा ,२९ भाद्र । पोखरा लेखनाथ महानगर पालिका २४ कास्कीकोटमा पोखरीमा डुबेर एक शिक्षक बेपत्ता बनेका छन् ।

सोही निजी विद्यालयमा पढाउने २१ बर्षिय शिव प्रसाद तिमिल्सिनाको ठुली पोखरीमा डुबेर बेपत्ता भएका हुन् ।

तीन जना भएर पोखरीमा पौडी खल्न गएको र त्यस मध्ये शिव डुबेर बेपत्ता भएको प्रहरीले जनाएको छ ।

बेपत्ता उनको साझँ गोताखोरको टोलीले खोजी गरे पनि नभेटिएको प्रहरीले जानकारी दिएको छ ।

शुक्रबार विहानबाट फेरी गोताखोरको खोजी नर्गे बताइएको छ ।


time Published on:  2017-09-14    | Read More




Featured | Useful Links

Educational, informative and entertainment activities are regularly on AIR in Radio Apostle

Live Streaming

Winamp, iTunes Windows Media Player Real Player QuickTime
1st one for PC users & 2nd Red for smaller Devices

Contact Us

     Radio Apsotle 102.6 MHz                                Bagar, Pokhara-1, Kaski, Nepal .

Address: Block 17, Nayagalli, Pokhara
Telephone: +977-061-521978
                         +977-061-550506
E-mail: radioapostle@gmail.com
Url: www.radioapostle.com.np