Latest News and Updates

अछाममा १८ घर पहिरोको जोखिममा :

अछाम,असार ३१ । अछामको मेल्लेख गाउँपालिका वडा नम्बर–४ कुस्कोटको शाखाबस्तीटोलमा १८ घर पहिरोको जोखिममा परेका छन् ।

अविरल वर्षाका कारण बस्तीमाथिबाट पहिरो आउन थालेपछि जोखिम बढेको हो ।

बस्तीमाथिबाट सडक काटिएको र सडकको दुईओटा मोडबाट पहिरो खस्न थालेपछि १८ घर जोखिममा परेका हुन् ।

माथिबाट पहिरो आउन थालेपछि स्थानीयहरु घर छाडेर विद्यालयको भवनमा बस्न थालेका छन् ।

उनीहरु अहिले जनकल्याण आधारभूत विद्यालयमा बसिरहेका नेपाल रेडक्रस सोसाइटी कुस्कोट उपशाखाका सदस्य हिमाल अधिकारीले जानकारी दिए ।

ठाँटी प्रहरीचौकीबाट गएको टोलीले त्यस स्थानको जानकारी लिएको र बस्ती पहिरोको जोखिममा रहेको जिल्ला प्रहरी कार्यालय अछामका प्रहरी नायब उपरीक्षक निरञ्जनदत्त भट्टले बताए ।


time Published on:  2017-07-15    | Read More




पोखरामा पौडी खेल्नेक्रममा डुबेर १८ वर्षीय युवकको मृत्यु :

पोखरा,असार  ३१  । पोखरा लेखनाथ महानगरपालिका वडा नं ३२ को मजुवा स्थित डुडेआहालमा पौडी खेल्ने क्रममा एक जनाको मृत्यु भएको छ ।  मृत्यु हुनेमा शुक्लागण्डकी नगरपालिका वडा नं २, कोत्रेका १८ वर्षिय उज्जल गुरुङ्ग रहेका छन् ।

साथीहरु सगै पौडी खेल्न गएका उनको पौडी खेल्नेक्रममा डुबेर मृत्यु भएको प्रहरीले जनाएको छ । खोलाबाट ढुङ्गा र बालुवा झिकेर बनेको रहमा डुबेर मृत्यु भएको हो ।

हिलोमा गढेको सवलाई कालिका प्रहरी शसस्त्र गण पोखराबाट उद्धारको लागि खटिएको शसस्त्र प्रहरीका शसत्र प्रहरी निरिक्षक सुमन चालिसेको टोलीले सव निकालेको थियो ।

घटनामा स्थानीय वासी इलाका प्रहरी कार्यालय डाडाको नाक र वडा प्रहरी कार्यालय पावरहाउसको प्रहरी नयाव निरिक्षक नरेन्द्रजंग कार्कीको टोलीले उद्धार गरेको थियो । उनको सवलाई पोष्टमार्टमका लागि पश्चिमान्चल क्षेत्रीय अस्पताल पोखरामा राखीएको छ ।

 


time Published on:  2017-07-15    | Read More




पोखराको लेकसाईडबाट हतियारसहित ८ जना पक्राउ  :

असार २७ , पोखरा । पोखराको लेकसाईडबाट हतियारसहित ८ जना पक्राउ परेका छन् । पोखरा लेखनाथ महानगरपालिका वडा नम्बर ६ डिहिकोपाटनबाट ग २ च  ४१३३ नम्बरको गाडीमा पेस्तोल र गोली सहित ८ जनालाई कास्की प्रहरीले पक्राउ गरेको हो ।

गोप्य सुचनाका आधारमा तनहुँ दुलेगौंडाका ८ जनालाई अत्याधुनिक हतियारसहित पक्राउ गरिएको वडा प्रहरी कार्यालय बैदामका ईञ्चार्ज प्रहरी निरीक्षक मोहनमणि अधिकारीले जानकारी दिए । हतियार कहाँबाट किन लिएर आएका हुन् भन्नेबारेमा अनुसन्धान भईरहेको उनले बताए ।

पक्राउ परेकाहरु जग्गा कारोबारी रहेको बताइएको छ । उनीहरु मध्ये केही यसअघि पनि तनहुँमा हतियार खरखजाना मुद्धामा पक्राउ परेर कार्वाही भोगिसकेको अधिकारीले जानकारी दिए ।

 

 


time Published on:  2017-07-11    | Read More




Featured | Useful Links

Educational, informative and entertainment activities are regularly on AIR in Radio Apostle

Live Streaming

Winamp, iTunes Windows Media Player Real Player QuickTime
1st one for PC users & 2nd Red for smaller Devices

Contact Us

     Radio Apsotle 102.6 MHz                                Bagar, Pokhara-1, Kaski, Nepal .

Address: Block 17, Nayagalli, Pokhara
Telephone: +977-061-521978
                         +977-061-550506
E-mail: radioapostle@gmail.com
Url: www.radioapostle.com.np