Latest News and Updates
हावाहुरीले ७ वटा प्याराग्लाइडिङ फेवातालमा खसे, चाइनीज पर्यटक अस्वस्थ :
पोखरा, ३० असोज ।। हावाहुरीले पोखराको फेवातालमा ७ वटा प्याराग्लाइडिङ खसदा एक चाइनीज पर्यटक अस्वस्थ भएकी छन् ।
दिऊसो करिब साढे दुई बजे हावा हुरी र पानी आउदा ७ वटा प्याराग्लाइडिङ खसेका थिए । स्थानीय जलारी समुदायले तत्कालै उद्धार गरे पछि अन्यको सकुसल उद्धार भएको हो । घाईते चाइनीज पर्यटको पोखराको मेटोसिटि अस्पतालमा उपचार भईरहेको छ ।
स्थानीय व्यवासायी अजुर्न सुबेदीका अनुसार कालो बादल सँगै हावाहुरी आउदा आकासमा उडिरहेका प्याराग्लाइडिङ एक पछि अर्को गर्दै तालमा खसेको बताए । उनले स्थानीय जलारी समुदायले तत्काले उद्धार गरेका कारण कुनै क्षेति हुन नपाएको बताए ।
‘प्याराग्लाइडर सिधै खसेका होइनन्, हावाको चाप अनुसार विस्तारै सुरक्षित रुपमा तालमा झारिएको वडा प्रहरी कार्यालय बैदामका प्रहरी निरिक्षक बसन्त कुमार शर्माले जानकारी दिए ।
प्याराग्लाइड र तालमा खसेलगत्तै त्यहाँ तैनाथ उद्धार डुंगाहरुले तत्कालै उद्धार गरेकाले कुनै मानवीय क्षति नभएको उनले जनाए ।
Published on:
2017-10-16 | Read More
पोखरामा नक्कली चुइगमको बिग्रबिगि, प्रहरीको छापा :
पोखरा, २८ असोज ।। अन्तराष्टिय कम्पनीले उत्पादन गर्दै आएको सेन्टर फ्रेस चुईगमको नेपाली एक उद्योगल हुबुहु उत्पादन गरी पछि पोखराका बजारमा नक्कली चुइकमको विग्रबिगि भएको छ ।
अन्तराष्टिय कम्पनीले आफ्नो उत्पादन गरेपछि सम्बन्धी पक्षले प्रतिलिपी अधिकार हनन भएको भन्दै प्रहरी समक्ष उजुरी दिए पनि कास्की प्रहरीले पोखरामा छापा मारेको छ । भारतको हरियाणा स्थित परफेट्टी भान मेल्ले ईण्डिया प्राली उत्पादन गर्दै आएको सेन्टर फ्रेसको सुनसरीको एक कम्पनीले हुबहु नक्कल गरी सेन्टर फिल्जको नाम र स्टाईलको चुइगम उत्पादन गरेको भेटेपछि कम्पनीले प्रहरी समक्ष उजुरी दिएको छ ।
प्रहरीले छापा मादा पोखराको नारायण इन्टरप्राइजेजबाट ८८ जार चुइकम बरामद भएको कम्पनीका आनन्द कुमार तिवारीले जानकारी दिए । आफ्नो कम्पनीको चुइगमसंग मिल्ने नक्कली उत्पादनको लेआउट, अक्षर, रंग संयोजन, तस्वीर र डिभाईस, लगायत अन्य विशेषताहरु पिएमभी ईण्डियाको उत्पादनको हुबहु मिलेको उनले बताए ।
सुनसरीको दुहवी ४ स्थित पफ्रेक्ट फुड प्रालीले नक्कली सेन्टर फिल्ज निकालेको हो । आफूहरुको कम्पनीसँग मिल्ने गरी उत्पादन विक्री गरेर बजारमा उपभोक्ता तथा सर्वसाधरणलाई झुक्याएको भनि परफेट्टी भान मेल्ले ईण्डिया प्रालीले प्रहरीलाई गत साउन विराटनरमा उजुरी दर्ता गरेको थियो ।
दर्ता गरे पस्चात प्रहरीले पफ्रेक्ट फुड प्रालीमा गई ३० लाख मुल्य बराबरको नक्कली चुईगम समेत बरामद गरेको थियो । त्यस पछि यी दुई कम्पनी अदालत सम्म पुगेका छन् । सेन्टर फ्रेस इटालीयन कम्पनी हो ।
यो कम्पनीले १ सय भन्दा बढि देशमा यसको उत्पादन गर्दै आएको कम्पनीको हेड गु्रप लिगल आइपी हेर्दै आएका एलेक जेड्न विरागीले बताए ।प्रतिलिपी अधिकार ऐन, २०५९ बमोजिम ६ महिना सम्म कैद वा जरीवान दुवै हुन सक्छ ।’
Published on:
2017-10-13 | Read More
पोखरा स्वास्थ्य विज्ञान प्रतिष्ठानले स्नातकोत्तर तह कार्यक्रम सन्चालन गर्ने :
पोखरा, २८ असोज ।। पोखरा स्वास्थ्य विज्ञान प्रतिष्ठानले स्नातकोत्तर तह कार्यक्रम सन्चालन गर्न आवश्यक तयारी कार्य प्रारम्भ गर्नको लागि सैद्धान्तिक सहमति लिएको छ ।
प्रतिष्ठानको आज सम्पन्न प्रथम सभाले नयाँ कार्यक्रम सन्चालन गर्ने सहमतिका साथै आर्थिक वर्ष २०७४/७५ का लागि प्रस्तावित योजना तथा कार्यक्रम सहितको वार्षिक बजेट पारित गरेको हो ।बैठकमा प्रतिष्ठानका कुलपति समेत रहेका प्रधानमन्त्री शेरबहादुर देउवाले सबै प्रदेशमा स्वास्थ्य विज्ञान प्रतिष्ठान स्थापना गर्ने सरकारको नीति अनुसार यसको स्थापना भएको बताए ।
उनले प्रतिष्ठानको उद्देश्यअनुसार जनतालाई सहज र प्रभावकारी स्वास्थ्य सेवाको पहुँच पु¥याउन, दक्ष जनशक्ति उत्पादन र अनुसन्धानमा उल्लेख्य भूमिका निर्वाह गर्न निर्देशन दिए ।प्रतिष्ठानले स्थापनाकालदेखि नै जनतालाई सहज र प्रभावकारी स्वास्थ्य सेवा पुर्याउँदै आएकामा खुसी व्यक्त गर्दै प्रधानमन्त्री देउवाले आगामी दिनमा थप नयाँ कार्यक्रम सन्चालन गर्न र लागू भएका कार्यक्रमलाई पनि निरन्तरता दिन आग्रह गरे ।
मुलुक संघीयतामा गइसकेपछि हरेक प्रदेशमा सरकारी स्तरमा मेडिकल कलेज स्थापना गर्ने नीति अनुरुप पश्चिमाञ्चल क्षेत्रीय अस्पताल पोखरालाई २०७२ माघ १२ गते ऐनअनुसार प्रतिष्ठानका रुपमा अघि बढाइएको हो ।
स्व.मेजर वीरसिंह गुरुङले २०१३ सालमा केही दाताको सहयोगमा प्रथम र द्वितीय विश्वयुद्धमा ज्यान गुमाएका र हराएका नेपाली सिपाइको सम्झनामा यस अस्पतालको स्थापना गरेका हुन् ।विसं २०१९ मा सरकारलाई हस्तान्तरण भएको यो अस्पताल हाल ५०० श्यैय्या सहित सन्चालनमा भइरहेको पश्चिमाञ्चल क्षेत्रको सबैभन्दा ठूलो सरकारी अस्पताल हो ।
बैठकमा प्रतिष्ठानका सहकूलपति रहेका स्वास्थ्यमन्त्री गिरिराजमणि पोखरेलले संविधानले मौलिक अधिकारका रुपमा व्यवस्था गरेको स्वास्थ्य सेवालाई गुणस्तरीय र सहज पहुँच योग्य बनाउन निर्देशन दिए ।
मन्त्री पोखरेलले प्रतिष्ठानको दीर्घकालीन गुरुयोजना बनाई अघि बढाउनुपर्ने बताउँदै प्रतिष्ठानले दुरदराजका जनतालाई समेत प्रत्याभूत हुने गरी सेवा प्रवाह गर्न आग्रह गरे ।
बैठकले प्रस्तावमा आवश्यक गृहकार्य गरी पारित गर्न उपकुलपति प्रा.डा.बुिद्धबहादुर थापाको संयोजकत्वमा प्रतिष्ठानका डिन डा.नरेन्द्रविक्रम गुरुङ र निर्देशक डा.अर्जुन आचार्य सदस्य रहेको कार्यदल गठन गरेको छ ।
Published on:
2017-10-13 | Read More
Published on:
2017-10-13 | Read More
वाम गठवन्धनबाट बाहिरियो नयाँ शक्ति, बाबुराम गोरखा २ बाटै लड्ने :
२८ असोज, काठमाडौं । नयाँ शक्ति पार्टी नेपाल वाम गठवन्धनबाट बाहिरिएको छ । उसले आफ्नै चुनाव चिहृन आँखा लिएर निर्वाचन लड्ने निर्णय गरेको छ । 
एमाले र माओवादीबीच भएको चुनावी तालमेलसँगै एकतामा नयाँ शक्ति पनि समाहित भएको थियो । साथै नयाँ शक्तिले एमालेको सूर्य चुनाव चिन्ह लिएर चुनाव लड्ने सहमति जनाएको थियो । तर, सिट बाँडफाँटमा सहमति हुन सकेन ।
नयाँ शक्तिले १५ प्रतिशत मागेको थियो । तर, माओवादी केन्द्रले नयाँ शक्तिका संयोजक डा. भट्टराईलाई गोरखा क्षेत्र नम्बर २ नै छोड्न तयार भएन । त्यहाँबाट माओवादी नेता नारायणकाजी श्रेष्ठ चुनाव लड्ने तयारीमा छन् । यससँगै रुष्ट बनेका भट्टराईले आफूविरुद्ध षड्यन्त्र भएको टिप्पणी गरेका थिए ।
नयाँ शक्तिको संघीय सचिवालयको विस्तारित बैठकले आँखा चिहृन लिएर चुनाव लड्ने निर्णय गरेको छ । बैठकपछि जारी विज्ञप्तिमा भनिएको छ, ‘गठबन्धनमा आवद्ध एमाले र माओवादी केन्द्र साझा चुनाव चिन्ह प्रयोग गर्ने सहमतिको मर्म विपरीत गएको हुनाले आगामी मंसिर १० र २१ गते हुन गइरहेको प्रतिनिधिसभा र प्रदेशसभाको निर्वाचनमा नयाँ शक्ति पार्टी, नेपाल आˆनै चुनाव चिन्ह आँखा लिएर सहभागी हुने ।’ वाम गठवन्धनबाट बाहिरिँदै नयाँ शक्तिले उम्मेदवारहरू समेत घोषणा गरेको छ ।
बैठकले संयोजक डा. बाबुराम भट्टराई गोरखा २ बाट चुनाव लड्ने निर्णय गरेको छ । यस्तै कैलाली ३ मा कृष्णकुमार चौधरी र कपिलवस्तु १ मा दानबहादुर चौधरी, रसुवामा प्रेम तामाङ र खोटाङमा मदन राईलाई उम्मेदार घोषणा गरेको छ ।
नयाँ शक्तिले संविधानको आधारभूत अन्तरबस्तु (गणतन्त्र, संघीयता, धर्मनिरपेक्षता र समावेशीता)लाई अस्वीकार गर्ने राजनीतिक पार्टी र व्यक्तिबाहेक सबैसँग संघ र प्रदेशस्तरमा चुनावी तालमेल गर्ने निर्णय समेत गरेको छ ।
नयाँ पार्टीका संसदीय मामिला विभाग प्रमुख केशव दाहालले आँखा चुनाव चिन्ह लिएर लडेपनि आफ्नो पार्टीले उम्मेदवारी दिएका ठाउँमा एमाले र माओवादीले उम्मेदवार नदिए तालमेल हुन सक्ने बताए ।
Published on:
2017-10-13 | Read More
म्यादी प्रहरीमा आकर्षण, तीन दिनमा ४ हजार आवेदन :
२८ असोज, सिमरा । अगामि मंसिर १० र २१ गते हुने प्रतिनिधिसभा र प्रदेश सभा निर्वाचन सुरक्षाकालागि म्यादी प्रहरीको भर्ना खुलेको दिनदेखि नै बारामा आवेदन भर्नेहरुको भिड लागेको छ ।
तीन दिनमै ४ हजारभन्दा बढी आवेदन परेको जिल्ला प्रहरी कार्यलय बाराले जनाएको छ । असोज २३ गतेदेखि ३० गतेसम्म म्यादी प्रहरीमा भर्ना हुन आवदेन खुल्ला गरिएको छ । पहिलो दिनमै एक हजार तीन सयभन्दा बढी आवेदन परेको थियो । तेस्रो दिनसम्म ४ हजारभन्दा बढी आवेदन परेको तर २ हजार ३ सय दर्ता गरिएको र बाँकी दर्ताको क्रममा रहेको बाराका प्रहरी नायब उपरीक्षक भुवनेश्वर प्रसाद साहले बताए ।
उनले म्यादी प्रहरीमा आवेदन दिनेको उत्साहले प्रहरीप्रति लगाव बढेको पुष्टि हुने बताए । जतिसक्दो सहज तरीकाले बिहान ९ बजेबाट नै आवेदन दिन सक्ने ब्यवस्था मिलाएको बारा प्रहरीको दावी छ । तर, आवेदकहरुले भने व्यवस्थापन राम्रो नहुँदा दुई दिनसम्म लाइनमा बस्नुपर्ने बाध्यता रहेको गुनासो गरेका छन् । ब्यवस्थित तरीकाले आवेदन लिने काम नभएकाले समस्या परेको आवेदन दिन आएका राकेश साहले बताए ।
उनका अनुसार जिल्लाका ग्रामिण स्थानबाट आएकाहरु दुई दिन लगाएर भर्ना फाराम भर्न बाध्य छन् । आवेदन दिन हजारौंको संख्यामा उपस्थिति बढ्न थालेपछि जिल्ला प्रहरी कार्यालय बाराले कार्यालय नजिकै रहेको सिद्धेश्वर माध्यमिक विद्यालयमा आवेदन लिने ब्यवस्था मिलाएको छ ।
Published on:
2017-10-13 | Read More
